上個星期天，跟朋友去三育打波！

撞返一班以前小學的死黨，雖然不同年級，但就是很玩得埋，志同道合，義氣兄弟，還記得那時很有江湖味道，一起睇少年古惑仔，唱謝霆鋒的＜前前後後左左右右＞，一起做一些傻事，真的很團結，有幾個還經常睡在一起！哈~

因為之後我搬了去其他地方住，而且中學圈子都不同，慢慢就疏落了，雖然現時沒有一起玩，但偶爾見到面還能感受到那一種情懷還在，大家是沒有隔膜的，互相問候一番，我是很享受的。

上個星期天見到面聊天，才知道我們那一個群有好多人都結婚了呢！男的娶，女的嫁。有一些人還生了baby~ 對我來說，真的很震驚。想不到變得那麼快，我有點接受不了，也許我思想跟不上，也許我不想面對自己真的長大的現實，因為這事這幾天我都不能釋懷。

不過說真的，現在以我們現時的年紀，結婚其實是很正常的~我不必要驚訝！

P.S 希望他們都幸福吧~

掃墓

8月16日   星期一

好多年都無返去拜山了~

今年終於可以回去了~朝早8點同細妹過左去沙頭角~~等埋親戚一齊返~

返到去都10點幾~好曬好熱~

開始拜~今年跟往年不同~拜的地方少了~不用再攀山涉水~反而好像少了一點東西~

今年真係有驚無險~發生了小意外~山火~

明明拜完~剩下我同兩個阿哥..同埋堂哥 四人殿後~~熄哂火種,洒埋水先走~

落到山腳~聽見有人大叫有山火~我們立即返上山~見到熊熊大火~火高三丈~一發不可收拾~

我地四個人扯低d樹枝(人地果樹)~係咁撲火,一人守住一個位~d熱力真係好勁~行近小小都熱到溶~唯用雨傘擋住身體先可以行近~~再call人幫手~天氣熱,干燥~真係擔心守唔住~

最後~好彩都控制到~再擔d水降下溫~以防萬一~

真係祖先保佑~唔係後果真係不堪設想~除了賠錢~還可能要坐牢~

件衫濕透~全身是灰~第一次咁樣救火~非常危險~~真係難忘的一天~

________________________________________________________________________-

食完午飯返香港~要3個幾鐘先返到~平時只係個幾鐘頭~相差一倍~

我阿叔又留住我同佢食飯~食到10點幾~

join唔到孤府活動~唉~真係盡失預算~好在見到大部份人一面~好開心~但時間太短了~

好似我次次搞活動都不太順利咁~how come?

9月13日  星期六

如常返工~~1點收工後,同Leon約鄭sir食lunch~(細Eric同四哥都沒空)~

去到灣仔, 鄭sir叫埋我地去遊行-順便可以一路傾~唔駛食得咁急~今次遊 行主題係~反對殺校,支持小班教學~我同leon都係第一次參加呢d集會遊行~

去到中環~見到bhyc 好多老師, 校工~同埋學生~見返好多好耐無見的老師們, 有種久別相逢多滋味的感覺~懷念過去~

講起殺校, 導致原因係出生人口持續減低~學校收生不足情況比比皆是~教育局就要殺校~

面臨這個危機~邊緣學校~特別是band 3 學校~都會人心徨徨~

關乎到老師切身利益,老師壓力加重, 因為老師人數減少令其工作量增加~影響教學質素~

最終損失的是學生~

band 1 同band 3的教學方法同教導方式相距甚大~

本人都讀過這兩種不同banding學校,也深明其中分別.

教好學生不只是一種方法便可通行天下~band 3 學校也有其生存價值.

另外~屬於個人情意結~我不想自己讀過的學校變成歷史~有時間都想回去看看~

我小學已被殺~難道中學也要say goodbye?

校長 & 校長夫人

鄭sir & leon~幾有革命味道~~

最後, 祝大家中秋節快樂~

開學了~

9月1日     ~新生的一天~

開學了~~終於都開學了~回到感到陌生而從前熟悉的地方~

設施沒有變~只是多了一座新建的教學大樓~也給予今年AD2 同學專用~

CANTEEN沒有變~只是供應商變了~只是嘗了一餐~便決定再不會留校進餐~

籃球場上沒有變,只是少了人在打波,踢波~連我這個波癡也沒有打波的意欲~

叮叮~叮叮~上堂了~連續四堂LECTURE~

學生老師沒有變~只是我以往那要好的朋友已不見了~我收回一慣嘻嘻哈哈的情懷~完全專注於課堂上~

身邊坐著全是面孔~當然對一些都有印象~新環境談不上害怕~只是有點希虛~

偶而也會見到熟悉的身影~望見以前同班的同學OR相熟的TOP UP同學~心情總是樂乎乎的~好像見回老朋友一樣~感覺舒服~

再上TUTOR~氣氛好靜呢~小丸子MISS仲記得我同埋"DRAGON"~下堂同佢CHAT~她說我們以前YEAR 1班同學好D~成熟D~我想第一天總是這樣吧~呵呵~

3:00 放學了~同一個新同學一齊搭車~坐1小時車程返公司~同事仍未上手~所以好多野都要跟返~晚上做到8點多才走~

夜晚加上預習~1點多才睡~

P.S. 找了MISS M.C.CHOY~遲下會約食飯~

9月2日

由於接手問題~

早上9:00返到公司~教新人做野~10:00 急速趕回學校~11:00上堂~

跟同學混熟了少許~但仍有待了解~

氣氛都算好多很多~ENG MISS話我個樣似仁濟醫院個董事~哈~希望我有此成就吧~

放學又返公司~老細留在我係公司同D有錢老板吃飯~全檯7個人,全部人都好熟~對我也是很客氣的~食靚野(金錢展肥牛入口即溶,仲正過5A肥牛)~飲靚酒~開左4支白酒~三支紅酒~

當然會有生意話題了~10點幾~老細擔心我夜~叫我返屋企~不過我無呢個打算~餐上一席話,真的很有用~有時也會叫我注意OR留心那一些地方~這一些生意經驗不是我在其他地方可以學到的~有時也會叫我注意OR留心那一些地方~

11點幾先走~12點返到屋企~又睇下D NOTES~MS要溫返YEAR 1的野~又要花時間去睇~ 咁又1點幾先訓了~

9月3日~

今日由8:25 上課到3:45 下課~全無空堂~最後兩堂有點睡意~但都只是10分鐘左右~

終於見到PERSONAL TUTOR~無咩特別深印象~只係知道中文科有好多野做~

為何FIN201感覺好似ACC咁?

跟同學大致都熟了~氣氛轉好~

LUNCH同新同學食~

放學又返工~~8點多才走~因為要幫新華旅遊搞HAMPER野~~下次希望可以早點走~

--------------------------------------------------------------------------------------------------

最近總是忙得不可開交~返學返工~我知道返學才是我真正的目標~所以我想在開學前,功課不多時盡量清哂工作~教新同事接我的野~咁我就不必花多時間在工作上~當然返工時間我會同老細商量的~

現在生活辛苦~但只是一年而已~我有我讀書的理由~

當然朋友的活動也會配合的~

8月19日

去不到7s 出海釣墨魚活動~皆因公司要太古坊搞個酒會~由Hong Kong IBM User Group 搞的"Happy Hour with Jazz and Wine"~場地非常靚~有無敵海景~

成個活動氣氛很好~當然我公司只係負責wine 呢一part~~在活動中~旱見有不少名人出席~葉劉xx, 譚香x等~可能選舉快到吧~

當然除左做野~都要應酬下~始終都是一個商機~哈~NICE~又學到好多野~

8月21日~

新員工被解僱了~依然有一種不捨得感覺~都欣賞BOSS可以咁決斷~我想一個HERD要配備這一些特質~我又要學習一下~

老細要去上海一個星期,我要守住老本營~又要著手搞HR~希望係老細回港前有新員工上班吧~

8月22日

請左假~諗住做回鄉卡~無奈打風~計劃泡湯~但完全要係深夜先感受到佢的風力~

要再搵日子~希望快D搞好~中秋節要回鄉~

8月23日

為慶祝公司喬遷之喜~係公司搞左個酒會~有好多美食好酒~好多人來呢~

所以又係忙到夜晚8點先返到屋企~

8月24日

JACKY 去電腦展~我就約左CLEMENT 去睇左場戲,同埋配眼鏡準備返學~

"內衣少女"~除左幾個笑位~劇情真係無咩特別~典型港產片~

講起配眼鏡~大家真係唔好揀"眼鏡直X工場"~CHECK 度數真係笑話~

開始問我拎眼鏡~同埋度數~我本身無眼鏡,今日帶左CON(因為跌哂)~電腦CHECK~右300,左375(我都O左咀,之前一副GLASS 係 左200,右175)~我都知電腦唔準~扮無事~等佢入房CHECK~佢地仲叫我加錢換薄片(因為度數深原因)

入左房~只係問我清同唔清~同其他好唔同~~無叫我讀D字 OR BUMBER~我地大個人都話識者~其他,例如小朋友唔太識分的話,點算呢~之後出左來的度數係跟佢電腦果個度數~我戴左上去,望出面~真係有點暈感覺~同佢講唔得喎~佢立即換左一副~右250,左300度~感覺都好左D~但都係好清~同佢講我度數之前係左200,右175,為何忽然升得咁快~佢都無答到我,只係話我舒服就得~迷茫~好似同佢曹咁~心念可能真係加深左~俾左錢,戴返副CON走人~

落左樓~諗返自己有散光~打電話問返有無配到~職員話無~叫我再CHECK過~真係發火~搭LIFT 前都叫自己唔好勞氣~始終怕佢玩野~~~

返左上去~問佢原因,我話有散光,為何無配到~追問下佢話有20度散光~但我話我之前有70度左右散光架喎~氣氛好似吵鬧咁~CLEMENT見到都叫我唔好勞氣~

有其他客人係度~佢就叫我入房再CHECK~最後配的結果係~近視:左200,右175, 散光: 左20,右70~

真係XX, 前後可以改得咁多次,(由右300,左375 到右175,左200)度數可以相差咁多~同埋同我自己講的度數無咩偏差囉~呢D都叫PROFESSIONAL? 眼睛傷左都唔知咩事~依家我真係唔知自己真實度數係幾多~

係呢度極力呼籲大家唔好去呢度野~同埋配眼鏡時盡量唔好透露自己度數~做個比較都好~